Search

ВМРО-ДПМНЕ: Лицемерно е СДСМ да се фали дека работи во доменот на социјална заштита

Повеќе од 500.000 граѓани живеат под прагот на сиромаштија благодарение на оваа криминална влада. Секогаш кога СДСМ ќе се соочи со фактот дека граѓаните живеат во беспарица и осиромашуваат се вадат на укинувањето на радиодифузната такса, реагираат од ВМРО-ДПМНЕ на денешното соопштение на владеачката партија.

-Мерката поврат на 15 отсто ДДВ  којшто го најавуваше СДСМ  е уште само една од нивните лаги со коишто се служат секојдневно. Граѓаните нема да добијат по 30 000 денари поврат на ДДВ на крај на годината.

Лицемерно е СДСМ да се фали дека работи во доменот на социјална заштита. Ако навистина тие се грижеа за оваа категорија на граѓани пратеничката група на СДСМ немаше да ги одбие амандманите на ВМРО-ДПМНЕ и Коалицијата „За подобра Македонија“ кои предвидуваа да им се помогне на најзагрозените семејства во Македонија.

СДСМ и Николовски единствено нешто што направија за земјоделците е тоа дека ги понижија и излажаа земјоделците.  Две години земјоделието само тоне, а земјоделците не можат да ги покријат ни производствените трошоци.

На Македонија потребни и се промени. Промените  ќе се случат кога аболицираниот Заев и неговата криминална влада ќе си заминат од власт, велат од ВМРО-ДПМНЕ.

 

Треба да знаете
Последни објави