Search

ВМРО-ДПМНЕ ги осудува изјавите на грчката академска фела

Македонската нација не е производ на антагонизам, ниту на комунистите. Македонската нација е поризвод на македонскиот народ, кој живее на овие простори со векови. ВМРО-ДПМНЕ ги осудува навредите искажани од професорот Сафетас кој е дел од грчката комисија која благодарение на аболицираниот Зоран Заев ќе ја прекројува македонската историја и учебниците, сооопшти ВМРО-ДПМНЕ.

Според партијата, Македонија нема територијални претензии кон Грција, ниту некогаш ги имала.

,,СДСМ и Зоран Заев треба веднаш да реагираат и да ги осудат ваквите ставови кои доаѓаат од грчката академска фела, а се креатори на јавното мислење во Грција. Доколку владата навистина се залага за добрососедски односи и заемно почитување, треба да се избори и за почит на Република Македонија и нејзината историја, традиција, култура и археологија.

Срамно и недозволиво е што СДСМ со нивната антидржавно делување ја донесе државата до дереџе да биде негирана и понижувана. СДСМ противправно и против волјата на народот го смени името на државата и дозволи национална катастрофа.Последиците кои СДСМ ги предизвика врз државата се огромни. СДСМ мора да си замине. Понижувањата не смеат да продолжат. Потребни се итни и неодложни предвремени парламентарни избори заедно со претседателските избори. Народот ќе му каже НЕ на СДСМ, се додава во соопштението

Треба да знаете
Последни објави