Search

Витлеем подготвен за божикната прослава

Палестинците се подготвуваат да ги примат христијанските верници од целиот свет, кои Божик по грегоријанскиот календар ќе го прослават во Витлеем, на Западниот Брег.

Надбискупот Пјербатиста Пикабал, највисоко рангираниот римокатолички свештеник во Светата Земја, денеска ги премина израелските воени контролни пунктови во пресрет на мисата која на полноќ ќе се одржи во Црквата на рожденството Христово во Витлеем, објави агенцијата АП.

Неколку стотици Палестинци и туристи се собраа денеска во центарот на Витлеем за да присуствуваат на парадата на палестинските извидници.

Палестинскиот министер за туризам, Рула Маја, изјави дека во овие моменти очите на целиот свет се насочени кон Витлеем и дека Палестинците се подготвени да ги примат посетителите, објави агенцијата АП.

Треба да знаете
Последни објави