Search

(Видео) Спектакуларни снимки од Норвешка, голем метеор за влакно не удри во земјата

Невообичаено голем метеор ноќеска накратко го осветли небото над Норвешка, оставајќи зад себе спектакуларна визуелна и звучна трага. Експертите сметаат дека метеорот можел да ја погоди Земјата, а доколку тоа се случеше, местото на ударот немаше да биде далеку од главниот град Осло.

Засега нема извештаи за повредени или штети.

Извештаите за молскавичниот лет на метеорите започнаа да пристигнуваат околу 1 часот по полноќ, а снимките од овој исклучителен настан се појавија на социјалните мрежи, пренесува Ројтерс.

Норвешката мрежа за следење метеори во неделата анализираше видеа и други податоци, обидувајќи се да ги утврди потеклото и дестинацијата на метеорите. Прелиминарните податоци покажуваат дека постоела можност метеорот да ја погоди Земјата во големото пошумено подрачје на Финамарк, на само 60 километри западно од главниот град Осло, објави норвешката мрежа за набудување на метеорите.

Ова беше лудо. Метеорот се движеше со брзина од 15-20 километри во секунда и го осветлуваше ноќното небо пет до шест секунди“, изјави за Ројтерс Мортен Билет, кој го виде и го слушна метеорот.

Тој потврди дека во извештаите не се споменува дека е направена материјална штета или дека некој е особено вознемирен од овој настан, како што беше случајот во 2013 година кога метеор леташе над територијата на Русија и експлодираше над Чељабинск.

Треба да знаете
Последни објави