Хрватската пејачка Северина Којиќ веќе неколку дена престојува на Плитвички Езера, а денеска на својот инстаграм-профил откри дека со неа е и синот Александар.
Имено, пејачката објавила видео во кое се спушти со зиплајн, а додека се подготвувала, ја бодрел нејзиниот деветгодишен син.
„Благодарам сине што ме убеди…“, напишала пејачката покрај видеото што го снимил Александар.
„Не сакав да одам, но штотуку одам прва за да ви покажам дека сè е можно“, рекла Севе пред спуштањето.
„Мамо, мамо. Гледај, ова те држи и вака ќе стоиш“, се слуша Александар како зборува во видеото.
„Браво мама“, „Една е мајка“, „Мама па ти си јунак“, „Браво Севе“, се само дел од коментарите под објавата.
Потсетуваме, на крајот на 2019 година, судијката донесе привремена мерка и одлучи синот на Северина Којиќ и српскиот претприемач Милан Поповиќ понатаму да живее со таткото, кој самостојно ќе се грижи за здравјето и образованието на детето. Одлуката стапи на сила веднаш, па ниту жалбата на Северина не можеше да ја одложи.
Исто така, на сила е и судската одлука со која на Северина ѝ е забрането да објавува фотографии и снимки од нивниот малолетен син на социјалните мрежи.
Преземено од +инфо
