Британскиот пејач Роби Вилијамс (45), по втор пат ѝ понуди брак на својата сопруга, актерката Ајда Филд (40). На прославата на нејзиниот 40-ти роденден, Роби ја изненади со песната „Angels“, прашувајќи ја дали повторно ќе се омажи за него. Двојката се запозна во јули 2006 година, а пејачот тогаш рече дека мислел дека никогаш нема да се ожени сè додека не ја запознал својата сопруга.
„Таа е прекрасна личност и јас сум заљубен”, рече Вилијамс.
https://www.instagram.com/p/BxndiFOHP7w/
Роби првпат ѝ понуди брак на Ајда во 2009 година за време на радиоинтервју. Тој подоцна тврдеше дека се шегувал дека не биле свршени. Во истата година, тие сепак се свршија на Божиќ, а по осум месеци и се венчаа во Беверли Хилс, според „Метро“. Тие имаат три деца, синот Чарли (4), ќерката Теодора (6) и осуммесечната Коко, која минатата година беше родена од сурогат мајка.
https://www.instagram.com/p/BxVrHi2nga_/
Вилијамс често вели дека сопругата му го спасила животот. Како што вели, таа е неговата сродна душа што му помогнала да се излекува од зависноста од алкохол и дрога.
Пред да се венчаат во 2010 година, тие беа четири години во врска со прекини. По последната пауза, Фил раскажа дека се смириле со помош на актерката Камерон Диас (46).
