Раде Шербеџија (74) се јави од неговиот дом во Риека, каде што тој и неговата Ленка се придржуваат кон сите мерки за изолација, не затоа што имаат симптоми или се заразени, туку затоа што велат дека тоа е паметно. Тој објасни дека дури сега сфаќа дека неговите обожаватели воделе страници на Фејсбук под неговото име, но дека сега решил да им се обрати лично и да снима песни и да раскажува приказни за да може на секого да му помине побрзо времето.
„Воден од овие невозможни катастрофи што не снајдоа сите заедно и не затворија во нашите станови и куќи, чувствувам потреба да им се јавам директно на моите пријатели и гледачи, односно слушатели и за прв пат да покренам своја фејсбук-страница. Сакам да снимам некои песни и да раскажувам некои приказни за побрзо да ни помине времето … Да се дружиме и да ја чуваме уметноста во нас“.
Сестраниот уметник снимаше кадрови низ станот, чистеше лук, ги покажа врамените фотографии што ги чува во станот и за тоа време ја рецитираше песната на Никица Петрак „На розова хартија“.
