Search

(Видео) Пукање во руски колеџ, две лица загинаа

Две лица загинаа, а тројца се повредени во пукање во градежен колеџ во Благовешченск, според прес-службата на Министерството за внатрешни работи на регионот Амур.

Полицијата соопшти дека млад човек дотрчал до блиската полициска патрола и рекол дека неидентификувано лице отворило оган кон колеџот.

 Embedded video

„Кога инспекторите се качија на вториот кат од училиштето, видоа маж со оружје. Тој пукаше кон инспекторите, полицајците одговорија. Сторителот бил блокиран во амфитеатарот “, соопшти полицијата.

Напаѓачот се самоубил.

„Телата на двајца млади, меѓу кои и човекот кој беше застрелан, се пронајдени на местото на настанот. Во инцидентот се повредени и три лица “, се вели во соопштението.

Студентите од колеџ и вработените ја напуштиле зградата.

Според рускиот истражен комитет, 19-годишен студент на колеџот пукал од оружје за лов. Другото убиено лице е негов врсник, додека тројца – 17, 19 и 20 – се хоспитализирани.

Гувернерот Василиј Орлов изјави дека напаѓачот бил сам. Тој изрази сочувство до семејствата на жртвите и изјави дека надлежните ќе ја дадат целата неопходна помош.

Според првичните податоци, причина за пукањето можеби е конфликтот меѓу врсниците. Студент на земјоделски колеџ, кој се наоѓа веднаш до градежниот колеџ, за „Спутник“ изјави дека студентот што пукал бил малтретиран.

Треба да знаете
Последни објави