Македонскиот репрезентативец Илија Несторовски беше најдобар во победа на Палермо против Карпи со убедливи 4:1, а капитенот на сицилијанците постигна два гола и асистенција.
Несторовски со глава му асистираше на Фалети за 1:0 во 11 минута, а потоа стрелецот му асистираше на Македонецот за 2:0. Карпи намали на 2:1 на стартот на вториот дел, но гостите во продолжението останаа со двајца играчи помалку па Палермо преку Пушкаш погоди во 85. минута за 3:1, а Несторовски три минути подоцна од контра го постигна конечниот резултат. Капитенот на Палермо веднаш беше повлечен од игра и доби сточеки овации од публиката на „Барбера“.
