Актерката Џенифер Лопез (50) беше воодушевена од веста дека е номинирана за „Златен глобус“ за нејзината улога на Рамона во филмот „Hustlers“. Таа игра стриптизета која заработува пари за себе и своето дете со танцување во клуб.
Сцените ги воодушевија нејзините следбеници, а нејзиниот свршеник Алекс Родригез (44) го пофали нејзиниот труд на социјалните мрежи. Неодамна на „Јутјуб“ се појави видео во кое Џенифер танцува на шипка, мрда со задникот, се забавува со гостите, а околу неа има многу банкноти што ги добива од нив.
Нејзините следбеници напишаа бројни коментари под видеото, а се чини дека Џенифер овој пат ги шокираше со нејзиниот танц и талент.
За потребите на улогата, пејачката мораше да тренира и напорно да вежба за да биде во совршена форма. Исто така таа посети и неколку стриптиз-клубови за да дознае повеќе за работата на девојките што танцуваат на шипка.
