Search

(Видео) Аеродромци против зависници во Поликлиниката „Јане Сандански“

Стотина граѓани се собраа денеска на протест пред Поликлиниката „Јане Сандански“ по повод одлуката на Министерството за здравство, пациентите кои се вклучени во Програмата за третман и превенција на зависности, метадонската терапија да ја примаат во оваа здрвствена установа.

Протестот беше организиран од „Граѓанската иницијатива-Гласот на Аеродром“, а меѓу присутните беше и поранешниот градоначалник на Општина Аеродром, Ивица Коневски.

Повеќе од стотина граѓани, главно жители на зградите околу Поликлиниката, мирно го изразија својот револт од одлуката на МЗ, а со нив имаше и деца, поради кои најмногу се одлучиле на протест. Тие сметаат дека е недозволиво зависници да примаат терапијаа во оваа болница во чија непосредна близина има две градинки, како и училиште.

Дел од нив сведочат и дека и сега во дворовите на градинките наоѓаат игли и шприцови од зависници.

Министерството за здравство пред неколку дена донесе одлука за дисперзија на Програмата за третман и превенција на зависности од Дневниот центар во Кисела Вода во поликлиниките во Аеродром, Ченто како и болницата во Бардовци.

 

Треба да знаете
Последни објави