Венецуелски генерал ги повика вооружените сили на таа јужноамериканска земја да се кренат против претседателот Николас Мадуро.
Рамон Ранхел, претставувајќи се како генерал на воздухопловните сили, рече дека венецуелската Влада е контролирана од „комунистичката диктатура” на Куба, клучен сојузник на Мадуро.
-Треба да најдеме начин да го надминеме стравот, да излеземе на улица, да протестираме и да побараме воено обединување, за да го промениме овој политички систем, вели Ранхел во видео објавено на каналот „Јутјуб”.
-Време е да се кренема на востание, додава тој.
Американски медиуми коментираат дека е мала веројатноста овој повик да ги помести теговите на вагата. Други офицери, кои се откажаа од Мадуро, избегаа од земјата, а военото раководство продолжува да го поддржува Мадуро.
