Хрватската тенисерка Дона Векиќ се пласираше во финалето ВТА турнирот во Нотингем, откако славеше во полуфиналето против Германката Татјана Марија со 2:1 во сетови.
Првиот сет и припадна на Германката со 7:5 во гемови, но потоа Хрватката возврати со два освоени сетови со 6:2 и 6:0 во гемови и се пласира во финалето.
За Векиќ ова е второ финале во Нотингем и вкупно осмо во кариерата. Досега освоила два турнира, првиот во 2014 година во Куала Лумпур, а вториот пред две години токму во Нотингем, каде што веќе трета година по ред игра во полуфиналето.
Векиќ во финалето ќе игра против победничката од мечот меѓу Французинката Каролин Гарсија и Американката Џенифер Бреди.
