Бутел и Охрид одиграа натпревар со вкупно постигнати 29 голови !

Пресметката меѓу Бутел и Охрид од 7. коло во прволигашката машка ракометна конкуренција во Македонија заврши невообичаено со само постигнати вкупно 29 гола ! Минимална победа забележа домаќинот Бутел (15:14).

Домаќините беа подобар противник во првото полувреме во кое во финишот стигнаа до предност од 10:6. Цврстите одбрани на двете страни беа заштитен знак до крајот на мечот, за во самата завршница да дојде до контроверзна ситуација. Охрид на неколку секунди до крајот ја зеде топката и требаше да има пенал за израмнување, но судиите од Битола (Митревски – Тодоровски) решија да ја вратат акцијата на почеток, давајќи му ја топката назад на Бутел за завршните седум секунди, по што домаќините рутински ја задржаа за конечен триумф.

Голманот на Бутел, Чаневски беше најзаслужен за оваа победа со повеќе интервенции отколку примени голови. Одбрани 18 удари, а на спротивната страна расположен беше и голманот на Охрид, Јагош Брауновиќ кој средбата ја заврши со 11 одбрани. Најефикасен кај Бутел беше Мајиќ со пет погодоци, додека Николов и Манасков со по три погодоци беа први стрелци во таборот на Охрид.

Резултати од 7. коло: Бутел – Охрид 15:14, Е. Пелистер 2 – Тиквеш 24:26, Металург – Радовиш 31:19, Прилеп – Струга 25:22, Пролет – Вардар 26:35,  Е. Пелистер – Скопје 38:12.

Табела: Вардар 21 бод, Е. Пелистер 18, Е. Пелистер 2, Бутел 15, Пролет 15, Охрид 12, Прилеп 9, Металург 6, Радовиш 6, Струга 3, Радовиш 3, Скопје 0.