Во изминатите 24 часа во Италија починале 161 лице од коронавирус, скоро исто како и претходниот ден, кога починале 162 лица, објави Агенцијата за цивилна заштита.
Бројот на новозаразени лица се намали во однос на вторникот. Во последните 24 часа се регистрирани 665 нови случаи, додека еден ден претходно тој број беше 813.
Италија е трета во светот по бројот на починати, по САД и Велика Британија, со вкупно 32.330 смртни случаи.
Потврдени се 227.364 случаи со што Италија се наоѓа на шестото место по бројот на заболени во светот, по САД, Русија, Шпанија, Велика Британија и Бразил.
Бројот на активни случаи се намали од 65.128 во вторникот на 62.752.
Во единиците за интензивна нега има 676 пациенти, што е помалку од ввторникот, кога имало 716.
Од Агенцијата за цивилна заштита наведуваат дека од коронавирусот се опоравиле 132.228 лица.
