Search

Брнабиќ објасни зошто се зачленила во владеачката СНС

Премиерката на Србија Ана Брнабиќ изјави дека таа пристапила во Српската напредна странка (СНС) на претседателот Александар Вучиќ затоа што, за разлика од повеќето партии чија цел е да победат на избори, СНС има за цел да ја промени Србија.

-Тоа е голема разлика, затоа што јас почувствував дека сакам лично со зачленувањето да ги поддржам членовите на СНС. Не ми треба партиска функција – добив најголема поддршка од СНС уште пред да станам член, кога ми покажаа најголема чест и ме предложија да станам премиерка на Србија, рече Ана Брнабиќ за Вечерни Новости.

-Благодарна сум на претседателот на Србија, на СНС што веруваат во мене и што ме поканија да ја менуваме заедно Србија, рече Брнабиќ.

За посредувањето на Европскиот Парламент во разговорите со опозицијата таа оцени дека едни бараат Европа да се вмеша и да посредува, „ги повикуваат и се жалат, а потоа и нив ги бојкотираат”, додека други ја напаѓаат власта затоа што Европа се вклучила во помагањето и посредувањето.

На прашањето дали Русија и Кина треба да бидат вклучени во дијалогот Белград-Приштина, таа потсети дека на дијалогот денес инсистираат држави кои ја поддржале еднострано прогласената независност во 2008 година, што покажува дека оваа тема е далеку од решена, како што многумина сметаа.

-Она за што зборува претседателот Вучиќ е компромис што ќе доведе до историско помирување на Србите и Албанците и свртување кон иднината. Како би изгледал тој компромис е тема на дијалог, кажа Брнабиќ

Треба да знаете
Последни објави