Братот на Кејт Мидлтон, војвотката од Кембриџ, откри дека се оженил на тајна церемонија во Франција.
Џејмс, 34-годишен бизнисмен, кој е помал брат на војвотката Кејт, сопругата на принцот Вилијам, откри дека се оженил со „љубовта на својот живот“, француската финансиска аналитичарка Ализ Тевант.
Се чини дека двојката имала кралски роднини меѓу гостите, а младоженецот бил опкружен со пријателите и семејството на „прекрасната церемонија“, како што ја нарече, која следела по двегодишна свршувачка.
Двојката се венчаше во Борм-ле-Мимозас на југот на Франција, откако нивните првични планови за венчавка беа двапати одложени поради пандемијата. Откривајќи ја веста за своите следачи на Инстаграм, Џејмс се претстави себеси и неговата сопруга како „господин и госпоѓа Мидлтон“.
Медиумите тврдат дека војвотката и нејзиниот сопруг, принцот Вилијам најверојатно биле меѓу гостите на венчавката, заедно со сестрата на Џејмс, Пипа Мидлтон и нејзиниот сопруг Џејмс Метјуз.
