Поранешниот италијански премиер Силвио Берлускони денеска излезе од болницата во Милано, каде што му била извршена операција на цревата, додавајќи дека е подготвен да ја продолжи кампањата пред изборите за Европскиот парламент закажани од 23 до 26 мај.
-Сега ми е добро. Се исплашив, изјави Берлускони (82) откако ја напушти болницата каде што беше опериран на 30 април.
Берлускони, лидер на централно-десничарската Напред Италија, на крајот од март рече дека ќе се кандидира за европските избори, бидејќи сака да се бори за обединета Европска унија, која е лојална на визијата на своите основачи.
На поранешниот премиер на Италија му беше забрането да извршува јавна функција речиси пет години поради пресуда за затајување данок. Судот минатата година, наведувајќи го неговото добро однесување, пресуди дека може повторно да се кандидира.
