Бројни судиски грешки го одбележаа вечерва дуелот од воведното коло во групата Ф во рамки на африканскиот Куп на нации меѓу Мали и Тунис (1:0), а пропустите кулминираа во финишот кога арбитерот во два наврати предвреме отсвири крајот на натпреварот.
Мали ја обезбеди победата преку пенал што во 48. минута го реализираше Ибрахим Коне, а Тунис на ист начин можеше да возврати во 77. минута, но Вахби Казри биеше непрецизно од белата точка.
Referee Janny Sikazwe ends Tunisia vs Mali early despite two VAR checks, a red card, and a cooling break.
Tunisia, who were trailing 1-0 but with a man advantage, weren’t too happy about it…
— MailOnline Sport (@MailSport) January 12, 2022
Во крупен план на овој натпревар, сепак, беше главниот судија Џани Сиказве, кој со многу грешки го водеше дуелот, а најголемиот пропуст го направи во 85. минута, кога означи крај на натпреварот. Кратко потоа, на сугестија на својот помошник, одлучи да го продолжи натпреварот, означувајќи дефинитивно крај во 90. минута, иако во вториот дел беа досудени два пенали, беа извршени девет измени, а неколку пати се вклучуваше и ВАР системот.
It’s official: Mali vs Tunisia will resume
Malians are back on the pitch pic.twitter.com/l8DKWZKvvf
— Maher Mezahi (@MezahiMaher) January 12, 2022