Search

Анкета на НДИ: Заев со најголема поддршка кај македонските граѓани

Претседателот на СДСМ, Зоран Заев има најголема поддршка кај македонските граѓани, покажува анкетата на Националниот демократски институт (НДИ). Анкетата на НДИ била спроведена во периодот од 26 февруари до 5 март на 1.200 испитаници, пред започнување на кризата со коронавирусот, објави „Локално“.

Според информациите, Зоран Заев е омилен политички лидер за 44 проценти од испитаниците (19 % одговориле дека е многу омилен, а 25 % дека е делумно омилен), покажува истражувањето.

Значително помалку граѓани, само 25 проценти се изјасниле за Христијан Мицкоски (10% одговориле дека им е многу омилен а 15% делумно омилен).

Во албанскиот блок интересно е тоа што Али Ахмети не е веќе на тронот на најпопуларни политички лидери. Лидерот на ДУИ е омилен кај 16 проценти од испитаниците, а неговиот политички ривал, Зијадин Села од Алијанса за Албанците е омилен кај 17 проценти од испитаниците.

Предвремените избори кои беа закажани за 12 април се одложија поради кризата со коронавирусот а партиите ги откажаа активностите за кампањата.

Треба да знаете
Последни објави