Search

Американски милијардер донираше 150 мил. фунти на институт за вештачка интелигенција во Оксфорд

Универзитетот во Оксфорд прими огромна донација наменета за нов институт кој ќе ја проучува етиката на вештачката интелигенција.

Стивен Шварцман, милијардер од САД, воедно и поранешен советник на претседателот на САД Доналд Трамп, за оваа цел донираше неверојатни 150 милиони фунти.

Оваа донација ќе биде дел од фондот наменет за факултетот за општествено-хуманистички науки.

Владата на Британија се заблагодари за донацијата на Шварцман и изјави дека оваа инвестиција е од глобално значење.

Во време кога универзитетите во Велика Британија се наоѓаат во состојба на неизвесност во врска со финансирањето поради Брегзит, оваа донација е многу значаен финансиски поттик за Окфордскиот универзитет.

Шварцман е еден од најпознатите милијардери во Америка, а поради своето бурно минато и прелуксузен живот тој често бил мета на критики од страна на јавноста.

Сепак во скоро време, финансиерот од Вол Стрит се почесто неговото богатство го донира за образовни цели и научни истражувања.

Шварцман вели дека одлучил да донира пари за Оксфорд поради тоа што вештачката интелигенција е едно од главните прашања на идните генерации.

„Моментално ниедна влада не е подготвена да се занимава со овие прашања, а и зошто би биле, ова е еден сосема поинаков вид на технологија“, вели тој.

„Тие ќе мора да се потпираат на знаењата на најпрестижните универзитети како Оксфорд, како и други институти низ светот чија експертиза е од голема помош за Окфорд“, посочи Шварцман.

Милијардерот додава дека универзитетите мора да помогнат во креирањето на етичка рамка за работа, бидејќи промените се случуваат многу брзо.

Треба да знаете
Последни објави