Холивудскиот актер Алек Болдвин пукал од реплика пиштол на филмски сет во Ново Мексико, при што ја убил директорката на фотографија Халина Хачинс и го ранил режисерот Џоел Соуза, соопштија локалните власти.
Смртоносниот инцидент се случил за време на снимањето на филмот „Рѓа“, (Rust), соопшти канцеларијата на шерифот на областа Санта Фе.
По страшната трагедија што се случи Болдвин постојано повторувал дека не му е јасно зошто добил наполнет пиштол во рацете, пренесуваат медиумите во светот.
-Зошто добив наполнет пиштол во моите раце?!“, повторувал холивудскиот актер цело време по страшната трагедија на филмскиот сет, за време на која со пиштол ја уби директорката на фотографија Халина Хачинс (42) и го ранил Џоел Соуза (48), режисерот.
Хачинс почина кратко откако актерот ја застрела на ранчот Бонанза Крик во Ново Мексико, а режисерот на филмот Хоел Соуза беше примен во болница со повреди, по што беше пуштен на домашно лекување. Очевидци на трагедијата за американските медиуми изјавија дека Болдвин бил вознемирен по пукањето, и на почетокот не му било јасно што се случило.
Набргу потоа, светските медиуми постираа фотографии на кои 63-годишниот Болдвин телефонира пред полициската станица во солзи.
„Господинот Болдвин дојде доброволно да разговара со инспекторите и си замина откако разговараше со нив“, изјави Хуан Риос од Канцеларијата на шерифот за „Гардијан“.
Бројни познати актери и вработени во филмската индустрија се огласија на социјалните мрежи по трагичниот настан на снимањето на филмот „Рѓа“. Сите пишуваа дека смртта била апсолутно застрашувачка, а режисерот Џејмс Ган признал дека еден од неговите најголеми стравови бил некој да биде фатално повреден на неговиот сет. Против актерот засега не е покренато обвинение, а во тек е полициска истрага и утврдување на сите околности.
-Нема зборови да се опишат шокот и тагата по смртта на Халина Хачинс, сопруга, мајка и прекрасна колешка. Во контакт сум со нејзиниот сопруг и се понудив да му помогнам на семејството. Срцето ми е скршено поради него, поради синот и сите што ја познаваа Халина, напиша Болдвин на Твитер.
I’m so sad about losing Halyna. And so infuriated that this could happen on a set. She was a brilliant talent who was absolutely committed to art and to film. ❤️ pic.twitter.com/vcdFqHsGA0
— Adam Egypt Mortimer (@adamegypt) October 22, 2021
