Адвокатите на Бесир Беља и Скендер Демири, обвинети за убиството на Никола Саздовски Саздо бараат пак да сведочи невропсихијатарот-вештото лице, оти не им било јасно дали убиениот страдал интензивно или болката му траела кратко.
Во моментов Судечкиот совет расправа по нивното барање, па рочиштето за случајот е прекинато.
На денешното судење требаше да се изведува доказна постапка на доказите од одбраната, фотодокументација, доказ фотографија од кутијата на ЕВН.
Бранителот на Беља, Насер Рауфи го повлече предлогот за изведување на доказ-фотографија од увид на кутијата на ЕВН на што јавниот обвинител се согласи. Одбраната предложи вештото лице уште еднаш да биде сосолушано, невропсихијатарот др. Александар Марцикиќ бидејќи имало нови околности во врска со временскиот интревал на траењето на болката.
ЈО рече дека се противи и дека е непотребно пак да се повика вештото лице бидејќи на главната расправа вештото лице образложило во врска со болката и стресот што го чуствувал сега починатиот.