Search

Николоски: Очајната власт не го пушти народот што не е за СДСМ да присуствува на Мечкин Камен, бегаат и се плашат, затоа ние ја напуштаме партиската манифестација организирана од власта

Партиската делегација на ВМРО-ДПМНЕ го напушти Мечкин Камен и нема да присуствува на обраќањето на претседателот на владата, со образложение дека не им било дозволено на илјадници грааѓани да присуствуваат на прославата, оти не биле на протококоларната листа на која, според нив очигледно се само членовите на СДСМ и партиска манифестација на СДСМ, а на митинзи на СДСМ немаат намера да учествуват.

Интегрален текст од изјава на Александар Николоски, потпретседател на ВМРО-ДПМНЕ

Да ви се заблагодарам на сите за присуството и би сакал тука од Мечкин Камен да го честитам големиот македонски празник 2-ри Август – Илинден. Ако илинденците освојуваа педа по педа, и во 1903-тата година и во 1944 –тата година макотрпно создаваа држава. Гледаме дека таа држава со забрзано темпо се руши. Илинденска и Асномска Македонија се руши. Се рушат идеалите на сите оние кои што ги дадоа своите животи за независна и обединета Македонија. Се рушат идеалите на генерации кои што сонуваа за македонска држава, со македонски јазик како официјален јазик на истата, со македонска култура, со македонска традиција и историја, со македонски корени кои што датираат векови и векови наназад.

За жал гледаме дека една Влада предводена од СДСМ и од ДУИ ги руши овие темели и ги руши овие корени.

Но, оттука од Крушево сакам да порачам дека Македонија и македонскиот народ се многу посилни. И никакви договори, никакви попуштања нема на ниеден начин да ја променат самобитноста на македонската национална борба.

Илинденското востание е македонско, и тоа е јасно и го знаат сите, го знае цел свет. Било, е и ќе остане македонско!

Исто така би сакал да се осврнам на уште една тема, гледате ние сме тука, но за жал СДСМ не успеа да се надмине себе, донесоа тука исклучиво партиски активисти. Кои што од рано утрото од пет часот ги носат со автобуси со наредба да ја расипат манифестацијата и на сите кои што не се членови на СДСМ вклучително и на бројни членови на ВМРО-ДПМНЕ им е забрането да пристапат тука, за што бевме информирани пред почетокот на оваа манифестација, всушност и на одредени луѓе кои што беа дел од оваа наша делегација им е забрането да пристапат тука, не знам од што се плашат, веројатно се плашат од народот, а гледаат веројатно и сфаќаат дури и со партиски активисти не успеаја да го наполнат Мечкин Камен, затоа што Мечкин Камен може да се наполни само и исклучиво со македонски народ кој што доаѓа со чесна мисла а не под политичка наредба.

На овој начин уште еднаш покажуваат дека се антидржавна партија и партија кој што нема допир со сопствениот народ и која што бега од народот.

Благодарам уште еднаш и честит Илинден!

Треба да знаете
Последни објави