August 22, 2019 07:10
Свет

„Њујорк тајмс” смени наслов на текст за Трамп по критики од читателите

Говорот на американскиот претседател Доналд Трамп по масакрите во Тексас и во Охајо, при што загинаа 31 човек во рок од 13 часа, му предизвика проблеми на весникот „Њујорк тајмс”.

Весникот во второто издание го смени насловот откако добил бројни критики од читатели поради спротивставените и неубедливи ставови на Трамп.

 

„Њујорк тајмс” на насловна страница објави текст во кој ги критикува ставовите на претседателот за контрола на оружјето под наслов „Трамп повикува на единство наспроти расизмот”.

Но, аналитичарите неговиот говор го оценија како слаб и неубедлив, критикувајќи го дека нема ниту една важна одлука, која би се однесувала на построги контроли при продажба и користење на оружје. Трамп во говорот наведе дека „менталните нарушувања и омразата го повлекуваат орозот, а не оружјето”.

Трамп неколку часа пред говорот на Твитер ги обвини медиумите дека шират лажни вести поттикнуваат атмосфера на гнев.

Трамп беше критикуван и поради тоа што на еден од градовите во кои се случи масакр му го погреши името и го нарече Толедо.

„Њујорк тајмс” ја објави насловната страница на Твитер и откако аналитичарите и читателите реагираа, нагласувајќи дека ќе ја откажат претплатата, беше сменет насловот – „Да се нападне омразата, но не и оружјето”.

Нови вести

Во Авганистан убиени двајца американски војници

Filip

Во авион на шпански Евелоп повредени 14 лица поради турбуленции

Filip

Макрон: Да се реши украинската криза пред приемот на Русија во Г-7

Filip