April 21, 2019 20:40
Скопје

ЈДГ „Весели Цветови“ одбележа 74 години постоење

Градоначалникот на Општина Кисела Вода, Филип Темелковски денеска присуствуваше на одбележувањето на  74 години од постоењето на најстарата ЈДГ „Весели Цветови” во Република Северна Македонија.

По овој повод во објектот „Сончоглед” дечињата од градинката пред присутните изведоа прекрасни ритмички и музички точки преку кои на возрасните им испратија пораки.

Овој голем настан со градоначалникот го проследи и Зоран Ацевски, член на Советот на Општина Кисела Вода.

Од почетокот на мандатот на градоначалникот Филип Темелковски, во Општина Кисела Вода се обновени сите објекти на двете јавни детски градинки. Во ЈДГ „Весели Цветови” беа извршени повеќе реконструктивни зафати. Во сите 6 објекти поставени се нови прочистувачи за воздух, децата добија нови играчки  и дидактички материјали: дрвени сложувалки, ролкостери, друштвени игри и реквизити за физички активности. Покрај ова, објектот „Сончоглед” доби целосно обновени санитарни јазли, нов ламинат, а оштетените креветчиња, плакари, столчиња и масички наменети за децата заменети се со нови. Во просториите на објектот „Сончоглед” извршено е и молерисување.

Нови вести

Градоначалникот Филип Темелковски на сите верници им го честита Велигден

Filip

Водовод извршил редок тип на интервенција: Санирале дефект без да ги поместат пругите

Igor

Промоција на првиот интерактивен водич за Скопје „Здраво Скопје“

Igor