August 20, 2022 01:54
Свет

Јапонска авиокомпанија го менува логото, не сака да ја поврзуваат со руската инвазија

Компанијата Zipair, нискобуџетна подружница на Japan Airlines, објави дека во текот на јуни ќе ја отстрани буквата „Z“ од опашите на своите авиони и ќе ја замени со геометриска шема со цел да се отстрани секоја сличност која би можела да се поврзе со руската инвазија на Украина, пишува Си-ен-ен.

Тие првично планираа со редизајн на логото да го одбележат олеснувањето на мерките против пандемијата, со решение претставено на конференција на која беше најавена нова линија на авиокомпанијата од Токио до Сан Хозе, Калифорнија.

Шинго Нишида, претседател на Zipair, на прес-конференција откри дека повеќе клиенти веќе стапиле во контакт со авиокомпанијата и изразиле загриженост поради старото лого, кое се користи од 2018 година.

Русија при инвазијата на Украина го користи симболот „Z“ кој е испишан на тенковите и униформите на вооружените сили. Симболот го користат и поддржувачите на политиките на Кремљ.