November 14, 2019 00:34
Македонија

Јанкович: Сите посакуваме да станете полноправна членка до самитот во Лондон

Со лажни информации членството во НАТО се претставува дека не е добрo за државата. Големите играчи се обидуваат да влијаат врз луѓето за да ги убедат дека државата не е на правилниот пат, изјави во интервју за Радио Слободна Европа, шефот на Канцеларијата за врски со НАТО, Зоран Јанкович.

На прашањето можно ли е земјава вo декември на самитот вo Лондон да пристапи и официјално кон Алијансата, Јанкович вели дека процесот на ратификација на Протоколот се води од националните влади, така што од нив зависи кога ќе се заврши процесот и додава дека е можно одложување на процесот во Шпанија која е во предизборен период.

-Па, ова е тешко да се одговори директно. Како и да е, се разбира, имаше силен сигнал од последниот состанок на Северноатлантскиот Совет тука во Скопје, каде што генералниот секретар на НАТО рече дека ние сите посакуваме да станете полноправна членка до декемврискиот самит. Како и да е, вие знаете дека моменталната ситуација, како што веќе споменавте, 22 земји членки го ратификуваа протоколот, некои од нив ги депонираа во Вашингтон инструментите за ратификација. Но, секако, во некои други земји сè уште се чека на ратификација, тоа не е под контрола на НАТО или на генералниот секретар, тоа е процес што се води од националните влади, така што од нив зависи кога ќе се заврши процесот. Ние очекуваме дека наскоро многу од останатите земји ќе го ратификуваат протоколот. Сепак, Шпанија во моментов е без Влада, бидејќи е во предизборен период, така што може да очекуваме одредено одложување поради овој процес во Шпанија, но ние сме сигурни и се надеваме дека процесот ќе заврши најбрзо што е можно, вели Јанковиќ.

Нови вести

Мицкоски се сретна со претставници на ММФ

Filip

Спасовски: Службата за разузнавање беше кревка, затоа ја реформиравме

Filip

Мицкоски се сретна со Хајко Мас

Filip