July 19, 2019 00:18
Останато

(Видео) Ѓоковиќ испиша историја, го растури Федерер

Ѓоковиќ испиша историја, го растури Федерер

Поранешниот светски рекет број еден, Новак Ѓоковиќ го преслуша Рожер Федерер во борбата за титулата на Мастерсот во Синсинати и на тој начин испиша нова страница во историјата на тенисот.

Имено Ѓоковиќ со денешниот триумф од 2-0 (6-4, 6-4) ги комплетираше сите девет турнири од серијата 1000 и на тој начин го освои „Златниот Мастерс“. Тој е првиот играч кој успеа да дојде до овој фантастичен резултат, откако АТП го воведе овој систем на натпреварување пред 28 години.

Што се однесува до самиот меч, Ноле беше подобар и поквалитетен ривал, во првиот сет успеа еднаш да му го одземе сервисот на Федерер, додека пак во вториот успеа да направи пресврт и да дојде до посакуваниот резултат и покрај тоа што Швајцарецот му го „украде“ сервисот во вториот гејм.

Ѓоковиќ со ова ја зголеми предноста во однос на Рожер во меѓусебните дуели, сега резултатот е 24-22.

https://twitter.com/tennistv/status/1031311999727230976?s=21

Нови вести

Загина тренерот на Спартак и екс селектор на Хрватска

24news

Златен и бронзен медал за македонските каратисти на Медитеранското првенство во Анталија

24news

Федерер си обезбеди место во полуфиналето на турнирот од сериите „Мастерс” во Мајами

24news