April 19, 2019 17:06
Свет

Шеснаесет цивили, меѓу кои и 7 деца, загинаа во воздушен напад во Сирија

Најмалку 16 лица, меѓу кои и седум деца, беа убиени во воздушните напади што ги водеше коалицијата предводена од САД во руралниот регион југоисточно од сирискиот град Деир-ез Зор, објави сириската новинска агенција САНА.

Нападот беше насочен кон станбена област во предградието на градот Ал-Багуз во југоисточниот дел на Сирија, објави државната новинска агенција, цитирајќи локални извори.

Градот се наоѓа во долината на реката Еуфрат, во близина на границата со Сирија со Ирак, на околу 128 километри од Деир-ез Зор.

Во текот на сирискиот конфликт, Ал-Багуз неколку години беше под контрола на терористите на Исламска држава се додека не беше заземен од Сириските демократски сили (СДФ) – широка коалиција од вооружени групи поддржани од САД и нивните сојузници – кон крајот на минатиот месец.

Сепак, градот наскоро беше делумно повторно освоен од страна на терористите поради што коалицијата предводена од САД почна да ја бомбардира неговата периферија.

Нови вести

Елбриџ Колби: Германија има пасивен однос кон НАТО и руската закана

Filip

„Петоци за иднината”: Илјадници на протестот против климатските промени во Рим

Filip

Демократски конгресмени бараат објавување на целиот извештај на Малер

Igor