December 4, 2022 20:12
Свет

Чешка ги повика своите граѓани да ја напуштат Русија

Чешка ги повика своите граѓани да ја напуштат Русија поради влошување на безбедносната состојба, соопшти нејзиното Министерство за надворешни работи.

„Со оглед на воената инвазија на Руската Федерација во Украина што е во тек и можната закана за влошување на безбедноста во земјата, особено за граѓаните на државите членки на ЕУ и НАТО, чешкото Министерство за надворешни работи силно повикува на напуштање на територијата на Руската Федерација”, се наведува во соопштението.

Изминатите денови ист повик за своите граѓани упатија и други членки на Европската Унија, вклучувајќи ги Полска, Романија и Бугарија.