March 25, 2019 21:55
Македонија

Ципрас и Каменос ќе се сретнат по разврската во македонскиот Парламент

Коалициските партнери во грчката Влада, Алексис Ципрас и Панос Каменос, прво ќе ја чекаат разврската кај нас, а потоа ќе остварат средба.

Иако беше неофицијално најавувана за денес, а и самиот премиер на Грција го спомена тоа во неговот завчерашно интервју, сепак, средбата се одложува, јави дописничката на МИА од Атина.

-Додека не се тргне блокадата што постои во ПЈРМ се договоривме да ја одложиме средбата со премиерот, изјавил претседателот на Независни Грци, Панос Каменос, во разговор со новинарите пред почетокот на состанокот на пратеничката група на неговата партија.

Тој додаде дека сите работи се меѓусебно поврзани, дека е во отворена комуникација со Алексис Ципрас, но и дека не може да се одржи средба врз основа на сценарија.

Како што претходно објави МИА, Каменос утрово изјави дека ниту е министер во заминување, ниту е пред оставка, додека, пак, во грчкиот Парламент во тек е состанок на пратеничката група на Независни Грци.

Нови вести

Од утре пад на температурите за 10 степени

Filip

Заев ги повика граѓаните да го следат TB-дуелот, познат рејтингот на кандидатите за претседател

Filip

Анкета: Тесна разликата меѓу Пендаровски и Силјановска

Filip