April 23, 2019 00:29
Балкан

Харадинај: Таксата останува, разговаравме за платформата за дијалогот со Србија

Косовскиот премиер Рамуш Харадинај, по денешниот состанок на државниот врв кај претседателот на Собанието Кадри Весели, изјави дека на средбата се разговарало за косовската платформа за дијалогот со Србија и дека не станало збор за таксата од 100 отсто на увозот од таа земја и од Босна и Херцеговина, јави дописникот на МИА од Приштина.

Таксата, повтори Харадинај, останува „се додека Белград не престане со агресивното и деструктивно однесување кон Косово”, односно додека не ја признае неговата независност.

– Тоа што денеска се постигна како согласност е платформата (на косовскиот преговарачки тим) кога и да биде изготвена да се достави до Собранието, изјави Харадинај за време на посетата на компанија за преработка на дрво во Пеќ.

Претседателот на Косово, Хашим Тачи и премиерот Харадинај, заедно со копретседателот на косовскиот тим за преговори со Србија, вицепремиерот Фатмир Лимај, и членовите на тимот, вицепремиерот Енвер Хоџај и пратеникот Висар Имери, се состанаа денеска кај собранискиот спикер Весели, во пресрет на, како што беше објавено, финалната фаза на дијалогот меѓу Приштина и Белград.

Нови вести

Албанската опозиција најави протест за 11 мај, а в четврток ќе ги блокира влезовите на Тирана

Filip

Убиецот на бугарската новинарка Маринова осуден на 30 години затвор

Filip

Уапсени четири лица во врска до грабежот на аеродромот во Тирана

Filip