Свет

Хамнеи: Агресорот ќе зажали ако го нападне Иран

Врховниот лидер на Иран, ајатолахот Али Хамнеи, изјави денеска дека арапските земји од Заливот се однесуваат во согласност со волјата на Соединетите Држави и дека секој напаѓач ќе зажали доколку го нападне Иран.

„Ние немаме никаков мотив да бидеме непријателски расположени кон овие земји, но тие се управувани од САД во нивните постапки против Иран. Секој агресор ќе зажали за нападот врз Иран“, рече Хамнеи во разговор со пакистанскиот премиер Имран Кан.

Тој додаде дека прекинувањето на војната во Јемен ќе има позитивен ефект врз регионот.