August 25, 2019 05:15
Македонија

ФХЗХ отвора школо за визуелни ефекти

Заради сопствени потреби на кадар со очекуван висок квалитет во работата, македонската компанија за анимација и визуелни ефекти ФХ3Х отвора свое школо за визуелни ефекти со содржини дизајнирани според последните барања и очекувања на светскиот пазар.

Според Миливоје Ѓорѓевиќ, ко-основач на ФХ3Х, динамиката со која се зголемуваат критериумите за квалитет од студијата за визуелни ефекти бара од нив постудиозен пристап во креирањето на елитен кадар.

-Визуелните ефекти повеќе не се спектакл туку хибридна технологија во која виртуелното и реалното треба идеално да се претопат едно во друго до степен да не можат да се разграничат со голо око. Кога ќе ги погледнете само филмовите на кои работевме во последно време, ќе ја забележите разликата за која зборувам. Денес зборуваме за Годзила, претходно работевме на Шазам, Авенџерс: Војна на бесконечноста, Аквамен, Црниот Пантер, Венум, Предатор, Конг, Војна на звездите:Последниот џедај, сериите Стар Трек, Американски Богови, Чувари (Watchmen), самите ќе забележите дека има се повеќе ефекти, со се поголем квалитет. Тоа бара постојано учење нови технологии, техники, вештини и решивме дека е време повторно да го направиме тоа самите, како што го правевме со над 1000 средношколци во 2003 година, кога всушност го формиравме кадарот за оваа индустрија во Македонија, вели Ѓорѓевиќ.

Овојпат, посочува, тоа ќе го направат во мали групи од 15 артисти, во неколку нивоа со строга селекција, под насоки на нивните најдобри супервизори кои им го одржуваат Оскаровскиот квалитет веќе 20 години.

Сите заинтересирани можат да се обратат на: [email protected], по што ќе следи селекција на кандидатите за првата група, која ќе почне со работа од 15 јуни, наведуваат од компанијата.

Нови вести

АВМУ: Политичарите да се воздржат од тужби кон медиумите

24news

Камчев се сонча во Бугарија

24news

Филипче: Останува концептот за Детска кардиохирургија, операции и во двете приватни болници

Igor