December 6, 2022 02:06
Македонија

Фросина Ременски поднесе кандидатура за претседател на СДСМ

Фросина Ременски денеска поднесе кандидатура за претседател на СДСМ.

„На оваа одлука се одлучив имајќи го во предвид целокупниот мој општествено политички и партиски активизам во денови и време кога СДСМ беше соочен со тешка опозициска состојба, кога носеше сериозни државотворни одлуки и кога се боревме да го задржиме единството во партијата. Денеска предавањето на мојата кандидатура има и еден друг симболизам. Кандидатурата ја предавам во 16-те дена женски активизам за борба против насилството врз жените во политиката и генерално родово базираното насилство, дискриминацијата, говорот на омраза и нетолеранцијата“, истакна Ременски.

Таа вели дека ја очекува поддршката од своите колешки во партијата.

Партијата на 12-ти декември ќе го избира новиот претседател, откако лидерот Зоран Заев поднесе оставка од функцијата по поразот на локалните избори.