June 25, 2022 10:11
Спорт

(ФОТО) Дончиќ со Марјановиќ и Кокошков на пиво пред почетокот на финалето на Западот

Кошаркарите на Далас Маверикс ќе играат во финалето на Западната конференција против Голден Стејт Вориорс, а првиот меч од серијата ќе го одиграат ноќта меѓу среда и четврток, три часа по полноќ.

Првата ѕвезда на Далас Лука Дончиќ реши да се опушти пред натпреварот, а во кафуле е фотографиран со чаша пиво во рака.

Сликите беа објавени на социјалните мрежи, а Словенецот бил придружуван од неговиот соиграч Бобан Марјановиќ, како и помошникот тренер на Далас, Игор Кокошков.

Атмосферата во Далас отсекогаш делувала многу позитивно, а Боби и Лука повеќепати покажале дека се одлични пријатели надвор од теренот.

Да потсетиме, Дончиќ е најзаслужниот за пласманот на Далас во финалето на конференцијата, бидејќи апсолутно доминираше во серијата против Феникс Санс, која заврши со резултат 4:3.