January 22, 2020 10:36
Македонија

Филипче за НОВА: Бев во домот на Јовановски, од средбата не излезе ништо

Министерот за здравство Венко Филипче ги потврдува наводите на бизнисменот Орце Камчев изнесени на денешното рочиште за случајот „Рекет“ дека во домот на првообвинетиот Бојан Јовановски на 15 март се одржала средба на која присуствувал и тој, објави НоваТВ.

„Средбата која се споменува во денешното судење за случајот „Рекет“ се одржа на барање на Бојан Јовановски на која јас и Орце Камчев бевме повикани да разговараме за некакво јавно приватно партнерство за болница која тој имал намера да ја прави“, вели министерот Филипче во изјва за НоваТВ. Од состанокот, тврди Филипче, не излегло ништо и друга средба потоа не се ни остварила.

Во вкрстеното испрашување Јовановски го праша сведокот Камчев за средба во неговиот со акцент на тоа „Кој министер присутвуваше?“. Иако прашањето го оцени како нерелевантно Камчев рече дека освен жената која чистела кај Јовановски и Зоран Милески Кичеец присуствувал и Филипче.

По завршувањето на денешното судење Камчев објасни зошто во средбите се споменува и Венко Филипче. Неговиот одговор забележливо се совпаѓа со одговорот на Филипче за Нова ТВ во делот на пропадната бизнис понуда.

Камчев потенцираше дека со Филипче одржал нормален состанок, бидејќи тие двајца биле пријатели долги години.

„Јас и Венко Филипче сме долги години пријатели. Тоа беше еден обичен состанок, а Бојан Јовановски бладаше, тресеше глупости. Сакаше да прави некакво јавно приватно партнерство за некаква болница“, рече Камчев.

Нови вести

Сен Пол: Прво промена на методологијата, а потоа проширување на ЕУ

Valentina

ВМРО-ДПМНЕ: Со криминал и газење на правото сите врати на Република Македонија се затворени

Valentina

Пендаровски во Израел: Двете држави ја споделуваат трагедијата на Холокаустот во кој беа убиени илјадници Евреи

Valentina