December 16, 2019 08:54
Спорт

Федерер го победи Ѓоковиќ и го елиминираше од завршниот турнир во Лондон

Освојувачот на 20 Гренд-слем титули, Роџер Федерер ја оствари својата 22-ра победа во 49-тиот судир со Новак Ѓоковиќ и се квалификуваше во полуфиналето на завршниот АТП турнир во Лондон. Маестро беше совршен и го скрши отпорот на неговиот славен ривал по 6:4, 6:3.

За прв пат од 2015 година, големиот Швајцарец го совлада Ноле, кој пак го напушта финалето на АТП и се збогува од шансата да го смени Рафаел Надал од врвот на светската ранг-листа. По петти пат во својата кариера, Рафа ќе ја заврши сезоната како бр.1.

Во 2015 година, во групите во Лондон беше последната победа на Федерер над Ѓоковиќ, кој имаше серија од пет успеси над денешниот ривал, вклучувајќи го и годинашното легендарно финале на „Вимблдон”.

Другите полуфиналисти ќе станат јасни утре, откако Доминик Тим и Федерер продолжуваат напред од групата „Бјорн Борг”.

На победата на Федерер се израдува и Надал бидејќи елиминацијата на Новак Ѓоковиќ значи дека шпанскиот тенисер ќе остане број еден на АТП листата до крајот на оваа година.
Надал испиша и историја, стана најстариот тенисер кој ја завршува годината на првото место на АТП.

Нови вести

Реал ремизира со Валенсија и се изедначи со Барселона пред „Ел класико”

zane

Златни медали за Мојсовка и Јованоска на меѓународниот турнир „Трофеј на Македонија”

zane

Сари: Нашето напаѓачко трио е во одлична форма

zane