January 17, 2019 12:32
Економија

УЈП: Граѓани и фирми за даноци должат 164 милиони евра

Управата за јавни приходи ја објави листата на должници за долгови доспеани до 30.09.2018 и неплатени до 31.12.2018 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.

На листата на должници објавени се 2.134 должници – правни лица (помалку е за 30 од претходната листа) и 2396 физички лица (повеќе за 50 од претходната листа).

Вкупно објавениот нето долг во листата бр.01/2019 изнесува 10.122.013.587 денари или околу 164 милиони евра, повеќе за 94.369.744 денари од претходната листа.

Нето-долгот за даноци и придонеси изнесува 9.972.264.456 денари (помалку за 26.279.574 денари од претходната листа), додека долгот за царински давачки е 149.749.131 денари (повеќе за 120.649.318).

Related posts

„Часови по готвење слоу фуд – на менито социјално претприемништво”

Valentina

Екстремно ниските температури штетно ќе влијаат врз овошните насади

Igor

Глигоров: Србија меѓу земјите со најспор стопански раст на Балканот

Igor