November 30, 2020 23:19
Македонија

Утре ден на жалост во Шутка, Амди Бајрам ќе биде погребан со традиционални обичаи

Општината Шуто Оризари утрешниот ден (25.10) ќе го прогласи за ден на жалост во чест на починатиот Амди Бајрам, а во 10 часот во општината ќе се одржи комеморативна седница, дознава ММС.

Амди Бајрам и покрај препораките на Министерството за здравство, ќе биде погребан утре на гробиштата во Бутел. Како што информираат блиски на семејството погребната поворка ќе тргне од неговата куќа во 14 часот.