September 23, 2019 06:17
Свет

Упад во домот на претседателката на Централната изборна комисија на Русија

Маскиран напаѓач влегол во куќата на претседателката на Централната изборна комисија на Русија, Ела Памфилова, ја погодил со зашеметувач и потоа избегал, пренесува ТАСС.

„Инспекторите во московската регионална полиција отворија истрага за нападот“, рече портпаролката на Министерството за внатрешни работи, Ирина Волк.

Таа објасни дека полицијата добила пријава за напад врз сопственичката на куќата во московското предградие Истра, и дека по пристигнувањето на местото на настанот, полицајците утврдиле дека жртвата е Ела Памфилова.

„Маскираниот напаѓач го скрши прозорецот и влезе во тремот, неколку пати ја удри жртвата со зашеметувач, а потоа побегна“, рече Волк.

Според неа, истрагата е отворена под сомнение за грабеж.

Нови вести

Рохани ги повика западните земји да го напуштат Персискиот залив

Filip

Претседателот на Колумбија, Мадуро го спореди со Милошевиќ

Filip

Протести во Словачка, за целосна забрана на абортусот

Filip