August 22, 2019 00:48
Култура

Унгарскиот машки камерен хор „Св. Ефраим” ќе настапи во црквата „Рождество на Пресвета Богородица”

Машкиот камерен хор „Св. Ефраим” од Унгарија вечер ќе настапи во црквата „Рождество на Пресвета Богородица” во рамки на „Скопско лето”.

Од 2002 година хорот прерасна во најпопуларна вокална група на Унгарија. Основачот и уметничкиот директор, Тамаш Бубно, беше добитник на наградата „Лист”, како и добитник на унгарската награда за уметнички заслуги во 2017 година. Хорот беше добитник на наградата за унгарско наследство и наградата „Бренд” на Будимпешта.

Меѓународниот успех на хорот почна во 2006 година на Меѓународниот фестивал на православната музика Hajnowka, во Полска, каде што ја доби првата награда во професионална категорија „ода на хор”. Хорот настапувал и на повеќе фестивали низ светот, а често пати и на верски музички настани.

Досега има издадено 10 албуми, од кои едниот, насловен „Bizantine Mosaics” ја доби наградата Суперсоник, во 2010 година во Луксембург.

Нови вести

Маестрална изведба на „Одисеј“ за крај на 59. Охридско лето

zane

СВП: Бландијана е поет со бунтовен дух, симбол на отпорот против социјалната матрица, борец против лагата, неправдата

zane

Со филмовите „Мизерикордија“ и „И сѐ стана песна“ ќе биде отворен фестивалот „МакеДокс“

zane