January 16, 2019 01:23
Свет

Украина планира да стане членка на НАТО по Македонија

Шефот на украинската мисија при НАТО во Брисел, Вадим Пристајко за украинските медиуми изјави дека Украина ги има сите шанси да се приклучи кон Алијансата откако нејзина членка ќе стане Македонија.

– Како што знаете, освен Македонија, три други земји, меѓу кои Босна и Херцеговина, Грузија и Украина, се подготвуваат за членството во Алијансата, изјави Пристајко.

Како што јави дописничката на МИА од Брисел, тој признава дека се мали шансите Украина да стане членка на НАТО пред Македонија.

– Украина нема да има време да стане 30-та членка, но ако работиме, лесно може да станеме 31 или 32 земја членка, додаде Пристајко

Украинските медиуми посочуваат дека НАТО очекува Македонија да и се приклучи на Алијансата на пролет 2020 откако Преспанскиот договор ќе биде усвоен во Скопје и Атина и по ратификацијата протоколот за членство од страна на останатите земји членки на Пактот.

Related posts

Поради грешка може да избие пожар: Ауди најави ново повлекување на автомобили

24news

Австриска министерка се онесвести на Европскиот форум

24info

Трамп организираше вечера со хамбургери, помфрит и пици

Filip