December 10, 2022 00:17
Спорт

УЕФА го казни Арнаутовиќ со еден натпревар неиграње

УЕФА откако назначи дисциплински комесар за да го испита однесувањето на австрискиот фудбалски репрезентативец Марко Арнаутовиќ кон македонскиот колега од државниот тим Езгиан Алиоски, денеска експресно ја изрече казната. Алиоски доби забрана за настап на еден натпревар, што значи дека нема да биде на располагање за мечот од 2. коло во групата Ц на Австрија против Холандија што се игра утре од 21 часот во Амстердам.

Инцидентот на натпреварот Македонија – Австрија (1:3) се случи во 89 минута кога Арнаутовиќ го постигна третиот гол за својата репрезентација и вербално го навредуваше Алиоски.

УЕФА ја објави следната одлука според Дисциплинските регулативи

– Суспензија за играчот од австриската репрезентација, Марко Арнаутовиќ од еден натпревар, односно за следниот натпревар под капата на УЕФА за навреда на друг играч.