June 27, 2019 10:46
Свет

Уапсени 28 тенисери поради местење на натпревари

Шпанската полиција соопшти дека уапсила 83 лица, од кои 28 се професионални тенисери, поради местење на натпревари на неколку различни турнири, соопшти Европол.

Во соопштението се вели дека меѓу уапсените е и еден тенисер кој минатата година учествувал на УС Опен, и дека постои сомнеж за наместени 97 натпревари.

Сè било организирано од страна на криминална банда од Ерменија, која што ги подмитувала тенисерите за да влијаат на резултатите и притоа добивале парична награда, се вели во соопштението и се додава дека за да ја осигураат работата тие дури присуствувале на сите турнири.

За време на полициската акција во Шпанија запленети биле 167.000 евра, една пушка, повеќе од 50 електронски уреди, кредитни картички, пет луксузни автомобили, а притоа блокирани се и околу 40 банкарски сметки.

Нови вести

Саудискиот престолонаследник треба да биде истражен за убиството на Кашоги

Daniela

Според австралискиот суд, донорот на сперма е законски татко на детето

Filip

Најмалку 10 загинати при напади во северозападна Сирија

Daniela