October 27, 2020 10:33
Балкан

Уапсени и мигранти и шверцери во Словенија

Словенечката полиција денеска соопшти дека изминатиот викенд уапсила неколку големи групи мигранти на границата и внатре во земјата.

Уапсени се и неколку шверцери.

Вкупно 144 мигранти, претежно од Бангладеш и Пакистан, беа фатени во Илирска Бистрица на југозападот од земјата, пренесува агенцијата СТА.

Во близина на Ормож, полицијата пресретнала возило со 22 мигранти, исто така најмногу од Бангладеш и во таа прилика се уапсени двајца шверцери од Молдавија и Украина.

Во близина на Цеље беа фатени 34 мигранти, а еден шверцер, по потекло од Белгија, беше уапсен.

Како што се наведува, против шверцерите ќе бидат поднесени кривични пријави, додека најверојатно ќе се вратат во Хрватска од каде што дошле.