August 20, 2019 01:08
Свет

Трансродова личност од САД сака во пасошот да ѝ стои Х како ознака за пол

Девет американски сојузни држави поднесоа барање до Апелациониот суд во Денвер да дозволи на трансродовата личност Дани Зим во пасошот да се идентификува со небинарен пол, односно со симболот „Х“ наместо со машки или женски.

Државните обвинители во Калифорнија, Колорадо, Мејн, Минесота, Невада, Њу Џерси, Орегон, Вермонт и Вашингтон сметаат дека на Дани Зим не може да му се одбие барањето за издавање пасош, објави агенцијата АП.

Ова трансродово лице се идентификува како небинарен пол, наведува АП и поднело тужба против државата, но судот во Денвер ги отфрлил жалбите.

Американските сојузни држави кои поднеле барање до судот велат дека дозволуваат небинарни одредници за пол во личните документи и дека тоа не предизвикува никакви компликации.

Меѓународната организација за цивилно воздухопловство, организација на Обединетите нации која поставува стандарди за меѓународни патни документи, смета дека полот во ваквите документи може да се одбележува како машки, женски и „X“ за неспецифични полови.

Нови вести

Полицијата во САД викендов спречила три можни масовни пукања

Filip

Пекинг ги користел Твитер и Фејсбук против демонстрантите во Хонг Конг, тврдат двете социјални мрежи

Filip

Началникот на Федералните затвори во САД отстранет од функција по самоубиството на Епстајн

Filip