February 24, 2019 04:51
Свет

Трамп: Ѕид кон Мексико ќе има во секој случај

Американскиот претседател, Доналд Трамп, нема да се откаже од своето ветување дека ќе гради ѕид на границата со Мексико.

„Ѕидот ќе го изградиме во секој случај“, рече Трамп на собир во Тексас, во момент кога беше објавено дека е постигнат принципиелен договор за финансирање на федералната влада и избегнување на повторна блокада на истата, пренесува Би-би-си.

Трамп, сепак, не кажа дали ќе го поддржи договорот.

Тој тврди дека бариерата, која ги разделува Ел Пасо и Мексико, го направила градот побезбеден, што, сепак, не го покажуваат и федералните статистики, пренесува агенцијата АП.

Претходно беше објавено дека неколку преговарачи од демократската и републиканската партија во американскиот Конгрес постигнале начелен договор за финансирање на владата и избегнување на нова блокада, објави Гласот на Америка.

Меѓутоа, се тврди дека ниту еден од преговарачите не сакал да открие детали околу договорот, ниту пак каже дали претседателот Трамп ќе ги добие сите пари што ги бара за изградба на ѕидот долж јужната американска граница.

Related posts

Речиси 200 илјади Сиријци се вратиле во татковината од Турција

Ivona

Паника во авион: Луѓе врескаа, торби паѓаа, а кутии со храна летаа насекаде

24news

Санчез: Без договор за Гибралтар, веројатно нема да има самит на ЕУ

Igor