August 10, 2022 23:26
Свет

Телата на загинатите во автобуската несреќа ќе бидат пренесени во Скопје авионски в четврток

По остварениот разговор со бугарскиот обвинител од Софија, одговорен за трагедијата од 23 ноември, донесена е одлука за предавањето на телата на нашите сограѓани што ги загубија животите во трагичната несреќа в четврток, 2 декември, информира министерот за надворешни работи, Бујар Османи.

„Владата на Р. Бугарија го прифати нашето барање преносот од Софија до Скопје да се изврши со авион на Република Бугарија, а од Меѓународниот аеродром ‘Скопје’, преку организиран државен протокол, истиот или наредниот ден, петок, 3 декември, останките ќе им бидат предадени на семејствата во нивните домови. Останувам во блиска комуникација со семејствата за преостанатите детали, а јавноста ќе биде информирана навреме“, напиша Османи на својот фејсбук-профил.